ଗ୍ରୀଡ଼କୋ ଲିମିଟେଡ୍ (ପୂର୍ବରୁ ଗ୍ରୀଡ୍ କର୍ପୋରେସନ୍ ଅଫ୍ ଓଡିଶା ଲିମିଟେଡ଼), ବିଦ୍ୟୁତ୍ ବିତରଣ କମ୍ପାନୀଙ୍କ ପାଇଁ ମୋଟା ଆକାରର ବିଦ୍ୟୁତ୍ କ୍ରୟ ପାଇଁ ରାଜ୍ୟ ନିଯୁକ୍ତ ସଂସ୍ଥା । ରାଜ୍ୟର ବିଦ୍ୟୁତ୍ ବିତରଣ କମ୍ପାନୀ ଏବଂ ଅନ୍ୟାନ୍ୟ ସଂପୃକ୍ତ ସଂସ୍ଥାଗୁଡ଼ିକ ପାଇଁ ଅକ୍ଷୟ ଶକ୍ତି କ୍ରୟ ବାଧ୍ୟତା ଅନୁପାଳନ ଦାୟିତ୍ୱ (RPO) ମଧ୍ୟ ଗ୍ରୀଡ଼କୋ ନିର୍ବାହ କରୁଅଛି । ବିଦ୍ୟୁତ୍ ବିତରଣ କମ୍ପାନୀର ଚାହିଦା ପୂରଣ କରିବା ପାଇଁ ଅକ୍ଷୟ ଶକ୍ତି କ୍ରୟ ଦାୟିତ୍ୱ (RPO)ର ଅନୁପାଳନ ନିମିତ୍ତ ଆବଶ୍ୟକ ଶକ୍ତିର ମିଶ୍ରଣ, ସମ୍ପୃକ୍ତ ଉତ୍ସ ଗୁଡିକର କାର୍ଯ୍ୟ ସମାପ୍ତର ସମୟ ଓ ଖୁଚୁରା ଶୁଳ୍କ ଉପରେ ପ୍ରଭାବକୁ ଦୃଷ୍ଟିରେ ରଖି ଗ୍ରୀଡ଼କୋ ଏହାର ଭବିଷ୍ୟତର ଶକ୍ତି କ୍ରୟ ଯୋଜନା କରେ । ବର୍ତ୍ତମାନ ଏବଂ ଭବିଷ୍ୟତର ଅକ୍ଷୟ ଶକ୍ତି କ୍ରୟ ଦାୟିତ୍ୱ (RPO) କୁ ପୂରଣ କରିବା ପାଇଁ ଗ୍ରୀଡ଼କୋ ଜୁଲାଇ ୨୦୨୩ ସୁଦ୍ଧା, ବୃହତ ଜଳବିଦ୍ୟୁତ୍ ଶକ୍ତି ସମେତ ୫,୮୨୮ ମେଗାୱାଟ ଅକ୍ଷୟ ଶକ୍ତି ପାଇଁ ଚୁକ୍ତି କରିଛି । ଚୁକ୍ତିଭିତ୍ତିକ କ୍ଷମତା ମଧ୍ୟରୁ ୩,୮୩୦ ମେଗାୱାଟ ପୂର୍ବରୁ ସ୍ଥାପିତ ହୋଇସାରିଛି । ରାଜ୍ୟରେ ଅକ୍ଷୟ ଶକ୍ତି ପ୍ରକଳ୍ପର ବିକାଶ ଉପରେ ମୁଖ୍ୟତଃ ଗୁରୁତ୍ୱ ଦିଆଯିବା ସହ ରାଜ୍ୟରେ ୧୦,୦୦୦ ମେଗାୱାଟ କ୍ଷମତା ବିଶିଷ୍ଟ ଅକ୍ଷୟ ଶକ୍ତି ପ୍ରକଳ୍ପର ଲକ୍ଷ୍ୟ ହାସଲ ସହିତ ଓଡିଶା ଅକ୍ଷୟ ଶକ୍ତି ନୀତି, ୨୦୨୨ କାର୍ଯ୍ୟକାରୀ କରିବା ପାଇଁ ଗ୍ରାଡ଼କୋକୁ ରାଜ୍ୟ ନୋଡାଲ ଏଜେନ୍ସି ଭାବରେ ମନୋନୀତ କରାଯାଇଛି । ଓଡ଼ିଶା ଅକ୍ଷୟ ଶକ୍ତି ନୀତି, ୨୦୨୨ ସମସ୍ତ ବାଧ୍ୟତାମୂଳକ ସଂସ୍ଥାଗୁଡ଼ିକ ସମେତ ନିଜସ୍ୱ ଉତ୍ପାଦନ କେନ୍ଦ୍ରରୁ ଶକ୍ତି ଉପଲବ୍ଧ କରୁଥିବା ଶିଳ୍ପଗୁଡିକ ପାଇଁ ମୁକ୍ତ ପ୍ରବେଶ (Open Access) ମାଧ୍ୟମରେ ସମାନ ଅକ୍ଷୟ ଶକ୍ତି କ୍ରୟ ଦାୟିତ୍ୱ (RPO) ପ୍ରଦାନ କରିଛି ।